UBUKI

Ubuki ni isoko ngari y’amavitamini menshi nka A, E, B1, B2, B5, B6, B12, K, P, D, n’izindi. Harimo imisemburo ngengamubiri itera igikuriro (hormones de croissance), n’ibindi. Butera kurama, bwongera imbaraga mu mubiri no mu bwenge, kandi ni kimwe mu byifashishwa bakora ibyongera uburanga. Ubuki ni ikiribwa kandi bukaba n’umuti uvura indwara zirenga 100. 

Zimwe muri zo ni izi zikurikira :
1) Ibibyimba 

Kubusigaho kenshi bituma ikibyimba gishya vuba.
2) Ushaka kunanuka

Ni ugufata ikiyiko 1 cy’ubuki mbere ya buri gaburo
3) Ufite amaraso akennye (amaraso make)

Ni ugufata ikiyiko 1 cy’ubuki ukavanga n’ibiyiko 2 by’umutobe w’indimu, ukanywa mu gitondo nta kindi wari warafata.
4) Urwaye asima (ubuhwima)

 Ni ugukatagura igitunguru kinini cya onyo, kugitumbika mu kirahuri kinini cy’amazi ashyushye buhoro, ukabikora nimugoroba mu ma saa tatu. Mu gitondo, wongeremo ikiyiko cy’ubuki n’ikiyiko cy’umutobe w’indimu, unywe nta kindi wari washyira mu nda.
5) Bronchite

 Ibiyiko 3 by’umutobe w’indimu mu kirahuri cy’amazi ashyushye buhoro, ugashyiramo n’ikiyiko 1 cy’ubuki, ukabifata kabiri ku munsi nyuma yo kurya (ho amasaha 2). Ni ukubikora buri munsi, iminsi 7 ikurikiranye, noneho ukajya ubikora gatatu mu cyumweru, ukwezi. Uyu muti ushobora kuwusubiramo.
6) Urwaye impatwe

 Ni uruvange rw’ikiyiko cy’ubuki bwiza, akayiko gato k’umutobe w’indimu mu gice cy’ikirahuri cy’amazi ashyushye buhoro. Kunywa mu gitondo nta kindi kintu wari wafata.
7) Umutima ukorana imbaraga nkeya 

Gukunda kurya kenshi ikiyiko 1 cy’ubuki (mbere y’amagaburo).
8) Umugore utwite

 Gufata ikiyiko cy’ubuki kivanze n’ikiyiko cy’umutobe w’indimu, inshuro 3 mu cyumweru.
9) Umugore urwaye intinyi

ikiyiko cy’ubuki bwiza butacaniriwe ku muriro, kubufata nimugoroba.
10) Ushaka kongera uburanga no kugira uruhu rufite itoto 

Ni ukuvanga ikiyiko cy’ubuki n’umuhondo w’igi. Ushobora no kongeramo umutobe w’indimu (ufite na elayo ugashyiramo byaba akarusho). Guhita ubyisiga ku mubiri, ukabirekeraho nibura igice cy’isaha, ukabona kubikaraba.

AMAKARA

 AMAKARA 

Akamaro k’amakara,   y’intusi izwi ku izina rya mayideni, akiza indwara zo mu mara, inzoka, anyunyuza imyanda yo mu maraso, yica imyanda iboneka mu gifu no mu mara ( uburozi), mu       myanya ishinzwe     kwihagarika, mu muhogo n’ururimi n’imyanya ishinzwe ibyara, akiza umunaniro, intege nke intandamyi, rubagimpande, umugongo, intakara, ibisebe   binyenya, ubuheri, ubugora, ibishyute. Imyisko, umwijima, urwungano rw’ihumeka, avura umukondo w’umwana watinze gukira,imisonga yo mu mabere.

Iyo uyisize kandi avura indwara z’uruhu, umubumbe wayo uvura uwariwe    n’inzokan’ibindi n’ibindi.

  UKO AKORESHWA

 Fata ikiyiko cyuzuye ifu yayo uyishyire mu kirahure cy’amazi atetse uyunguruze akayungiro k’icyayi ujye unywa mu gitondo no ku mugoroba, ariko ku mwana uri munsi y’imyaka 10 ahabwa ½ cy’itasi.

Ku ndwara z’uruhu

• Uyatoba mu mazi umubumbe wayo uwushyire aharwaye.

Ku bisebe

• fu ivangwa n’amavuta ya elayo ( huile d’olive) ugasigaho 2 ku munsi.

IBUMBA

IBUMBA RIVURA

Indwara z’amagufa, ibikomere bigaragara n’ibitagaragara, indwara z’amenyo,   kubabara mu ntugu, Umugongo, indwara zo mu mugogo, impyiko, kutaryoherwa, imisemburo ishinzwe kubyara, kuva imyuna, diyabeti, umwijima, urwagashya, tifoyide, indwara z’uruhu, igituntu, kwishimagura ku mwanya ndangagitsina, amahwima, kubyimba amaguru. 

Ritunganya   imihango itagira gahunda, rigufasha n’abayijyamo bakaribwa cyane, indwara zo mu kiziba cy’inda (infection) ryongera amaraso, rivura inzoka, rivura imitsi, ibibyimba by’amabere mu mubiri n’ibyinyuma, systeme nerveux n’izindi.

 

UKO RIKORESHWA

Fata akayiko gato kuzuye ibumba ( ifu yaryo)uvange n’amazi yuzuye    ikirahuri ukoroge unywe kabiri ku munsi.

Ku ndwara z’uruhu no mu kiziba cy’inda n’umugongo , ibibyimba, inkabya, inkongi ibishishi : 

Uritoba mu mazi ukomekaho umubumbe waryo aharwaye rikahamara isaha imwe gusa.

•  Umwana wabuze igikuriro uritoba mu mazi ukaryomeka ku ruti       rw’umugongo( mu gitondo no ku mugoroba rikahamara isaha imwe iminsi icyenda udasibye. 
•  Utwite arinywa kugera ku mezi arindwi ubundi akajya arisiga mu kiziba cy’inda isaha 1. 
• Iyo urwaye inzoka uriraza mu mazi washyizemo uduheke 2 twa Tungurusumu ukayinywa mu gitondo ukibyuka. 

Menya ibyo twagufasha

Alimentation Imizi y'Ubuzima